Thursday, March 8, 2012

எனது ஊரைப்பற்றி!


என் ஊரைப்பற்றி எழுத தொடர் பதிவுக்கு அழைத்த கலை அக்கா வுக்கு எனது நன்றிகள்!




   எங்கே ஆரம்பிப்பது எதை சேர்ப்பது எதை விடுவது என்று விளங்காமலே எனது எழுத்துக்களை ஆரம்பிக்கிறேன்! எனது சொந்த ஊர் ஈரோடு மாவட்டத்தில் உள்ள சத்தியமங்கலம் என்னும் அழகிய நகராட்சி! அங்கும் இங்குமாய் சிறு சிறு அழகிய அணைகளோடும், அணைத்து நிற்கும் மலைகளோடும் என்றும் பூத்துக்குலுங்கும் மல்லிகை வாசத்தோடும் அதோடு சேர்ந்து மல்லுக்கட்டும் சம்பங்கிப்பூவின் வாசமும், மிரட்டும் வனப்பகுதியும், அதில் அடங்கும் யானைகளும்,  புலிகளும், மான்களும் என கொள்ளை அழகை கொள்ளை அடிக்க மனம் காத்திருப்பதாய் பார்ப்பவர்களை சளனப்படுத்திப்போகும் அழகிய ஊர்! வீரத்திற்கு பெயர் போன ஊர்!!!பொருங்கள் வருகிறேன் வீரப்பனுக்கு சொந்த ஊர்! இல்லாதபோதும் இன்னும் சத்தியமங்கலமா? என்று கேட்பவர்களை விட வீரப்பன் இருந்த ஊர் தானே என்று கேட்பவர்கள் தான் அதிகம்!!!



    குளிர் காலத்தில் அதிகப்படியான குளிரும் வெயில் காலத்தில் அதிகப்படியான வெயிலும் கொண்டு புரியாத புதிராயும் விளங்கும் விந்தையான எனது பூமி! தினம் புதியதாய் தோன்றும்! வாழைத்தோட்டங்களும், கரும்புத்தோட்டங்களும் அலுக்காமல் தோன்றி நிற்கும் வருடம் முழுதும். தூரத்தில் தெரியும் மலைக்கூட்டங்கள் கூட ஆயிரம் கற்ப்பனைகளை தூண்டிவிட்டுப்போகும் ஒரு பெண் படுத்திருப்பதாய், காளை மாடு திரும்பிப்பார்ப்பதாய்!
        சுற்றுலா தளங்களுக்கு பெயர் போன ஊரும் கூட ஒன்றா? இரண்டா? கொடிவேரி அணை, பவானி சாகர் அணை, குண்டேரிப்பள்ளம் அணை, பெரும்பள்ளம் அணை, என நாங்கு அணைகள் உள்ளன!

   
  பவானி சாகர் அணைக்கு கல்லாறு மற்றும் மாயாறு என்ற இரண்டு றுகள் ஆதாரமாக உள்ளது! இந்த அணையிலிருந்து மின்சாரம் எடுக்கப்பட்டு பின் விவசாயத்திற்கும் குடிநீருக்கும் பயன்படுத்தப்படுகிறது!சத்தியமங்கத்திலிருந்து 16 கிலோமீட்டர் தொலைவில் உள்ளது! ஆசியாவிலேயே 28 ஆவது பெரிய மண் அணையும் கூட!



     கொடிவேரி அணை க்கு நீர்வரத்து பவானிசாகர் அணையிலிருந்து வருகிறது! இது சத்தியமங்கலத்திலிருந்து 12 கிலோமீட்டர் தொலைவில் உள்ளது!




       பிரசித்தி பெற்ற 108 அம்மன் தளங்களில் ஒன்றான பண்ணாரி அம்மன் கோவிலும் இங்கு தான் உள்ளது! சத்தியமங்கலத்திலிருந்து மைசூர் செல்லும் சாலையில் 12 ஆவது கிலோமீட்டரில் அமைந்துள்ள அழகான கோவில்! இங்கு நடக்கும் வருடாந்திர குண்டம் திருவிழா மிகவும் புகழ் பெற்றது! வெவ்வேரு ஊர்களிலிருந்தும் பல மக்கள் இங்கு கூடுவார்கள்! ஒரு மாசம் பண்ணாரியே(கோவில் இருக்கும் ஊர் பெயர்) கலை கட்டும்! பண்ணாரி அருகே இருக்கும் சத்தியமங்கலம் வன சரணாலயம் யானைகளுக்கும், புலிகளுக்கும் பலவகை மான்களுக்கும்,பல்வேறு உயிரினங்களுக்கும், தாவர வகைகளுக்கும் இருப்பிடமாக திகழ்கிறது. கோடை காலத்தில் பண்ணாரி சாலையில் யானைகள் ஜாலியாக நடந்து போவதை அடிக்கடி பார்க்கலாம்! சராசரியாய் 800 முதல் 900 யானைகள் வரை இருக்கிறதாம்! 



      இங்கு இருக்கும் பல மலைகள் பலங்குடியின மக்களுக்கு இருப்பிடமாக இருக்கிறது! இன்னும் சரியான பேருந்து வசது, அடிப்படை வசதிகள் கூட இல்லாத சில கிராமங்களும் இதில் அடங்கும் என்பதே வருத்தமான விஷயம்! தாளவாடி, கெட்டவாடி, திம்பம், காடகநல்லி, குன்று, தலமலை, நான் அறிந்த சில மலைகள் இவை!!! இதில் சுற்றுலாத் தளங்களும் அடங்கும்!!!!!

       
       சத்தியமங்கலத்திலிருந்து 4 கிலோ  மீட்டர் தொலைவில் இருக்கிறது எனது கிராமம்! கிராமம் தான் ஆனால் ஒரு சின்ன தொழில் நகரம் என்று கூட சொல்லலாம்! காரணம் அருகிலேயே பிரபல தனியார் சர்க்கரை ஆலை, ஒரு தொழில்நுட்பக் கல்லூரி, ஒரு கலை அறிவியல் கல்லூரி, அரசுப்பள்ளி, தனியார் பள்ளி, சிறுவர் விளையாட்டு பூங்கா, நூலகம் என கிட்ட தட்ட ஆயிரக்கணக்கான பேருக்கு வேலை கொடுக்கும் அளவுக்கு ஒரு மினி நகரம்! வீட்டில் இருக்கும் பெண்களுக்கு இலவச தையல் பயிற்சி, கணினிப்பயிற்சி, கை தொழில் பயிற்சி என தனியார் கல்வி நிறுவனம் செய்து வருகிறது!எங்கள் ஊரில் வெகு விமரிசையாக நடக்கும் தைப்பூசத்திருவிழா பாலதண்டாயுதபானி திருக்கோவிலில்(மலைக்கோவில்) தவளகிரி மலை என்று அழைப்பார்கள்.
      இதற்கு மேல் என்ன சொல்வது ஒருமுரை வந்து பாருங்கள் இங்கிருந்து செல்ல மனம் வராது!!!!!!!


மேலும் ஊரைப் பற்றிய பதிவினை தொடர Seeni அவர்களை அழைக்கிறேன்!


படங்களுக்கு விக்கிபீடியா, கூகிள் இமேஜஸ் க்கு மிக்க நன்றி!!!!!

24 comments:

  1. நிச்சயமாய்.. பரிச்சை எழுதும் போது கூட மெய் மறந்து(விடைகள் கூட) ரசிக்க வைக்கும் எழில் கொஞ்சும் ஊர் :)

    ReplyDelete
  2. வாவ்.. சூப்பர் உங்கள் ஊர்.

    ReplyDelete
    Replies
    1. தங்களது வருகைக்கும் கருத்துரைக்கும் மிக்க நன்றி!

      Delete
  3. சகோதரி!

    நான் முதல் வேட்டையும்-
    முதல் கொலையும்-
    புத்தகம் வீரப்பன் பற்றி-
    விசயங்களை படித்து இடுக்கிறேன்-
    அது அதிக பக்கம் கொண்டது-
    உங்களுடைய ஒரு பக்கம்-
    உண்மையில் என்னை அதோடவே -
    பயணிக்க வைத்தது- படங்கள்
    போட்டு ஒரு ஊரை கண்ணுக்கு
    முன்னால் நிருதிதிடீங்க!

    ஆம் நாம் உடலோடும்-
    உயிரோடும் கலந்த காற்று-
    அங்கே தானே சுவாசித்தோம்!

    இன்னும் எழுதுங்கள் -
    உங்கள் ஊரை பற்றி!

    படிக்க ஆவலாக இருக்கிறேன்-
    உங்கள் ஊரை பற்றி!

    ReplyDelete
    Replies
    1. தங்களது வருகைக்கும் கருத்துரைக்கும் மிக்க நன்றி!

      Delete
  4. படங்களுடன் ஊர் பற்றிய விவரங்களை
    மிக அழகாகக் கொடுத்து அசத்திவிட்டீர்கள்
    மனம் கவர்ந்த பதிவு
    தொடர வாழ்த்துக்கள்

    ReplyDelete
    Replies
    1. தங்களது வருகைக்கும் ஊக்குவிக்கும் கருத்துரைக்கும் மிக்க நன்றி!

      Delete
  5. Replies
    1. தங்களது கருத்துரைக்கு அர்த்தம் புரியவில்லை எனினும் தங்களது வருகைக்கு மிக்க நன்றி!

      Delete
    2. வாழ்த்துக்கள்....(தேரர் கும்மி விருதுக்காய்)
      மற்றும் :-) அதன் அர்த்தம் "நன்று/ மகிழ்ச்சி" எனக் கொள்க!!!

      Delete
    3. தங்களது வாழ்த்துக்கும் கருத்துரைக்கும் மிக்க நன்றி!

      Delete
  6. உங்கள் ஊரைப்பற்றிய மலரும் நினைவுகளை அருமையாகத் தொகுத்து வழங்கியுள்ளீர்கள். பாராட்டுக்கள்.

    ReplyDelete
    Replies
    1. என்றும் மறக்க முடியாத நினைவுகளாயிற்றே!
      தங்களது வருகைக்கும் கருத்துரைக்கும் மிக்க நன்றி சார்!

      Delete
  7. இரசனை தெரிகிறது, வரிகளில்..! :)

    ReplyDelete
    Replies
    1. தங்களது வருகைக்கும் கருத்துரைக்கும் மிக்க நன்றி!

      Delete
  8. ayayooo yuvaa mee missing eppudi aanen theriyalaa...superaa solli irukeenga ,,,kalakkeetingoo yuvaa...


    super...super


    yuvaa maarilam naan eppo ezuthuven nu thonuthu..

    vaazthukkal daa

    ReplyDelete
    Replies
    1. akkaa! ungala vidava ezhudhiten! poi sollathenga!!
      visit ku thanka akka!

      Delete
  9. " சத்தியமங்கலத்திலிருந்து 4 கிலோ மீட்டர் தொலைவில் இருக்கிறது எனது கிராமம்!" ஊரின் பெயரை தேடினேன் கிடைக்கவில்லை! எழுதியிருக்கிறீர்களா?

    ReplyDelete
    Replies
    1. மன்னிக்கவும்! நான் எனது ஊரின் பெயர் பற்றி ஏதும் குறிப்பிடவில்லை! தங்களது வருகைக்கு மிக்க நன்றி!

      Delete
  10. உங்கள் ஊரை பார்க்கனும் போல இருக்கு அக்கா உங்கள் பதிவை படித்தத்திலிருந்து... சுவாரஸ்யம்......

    ReplyDelete
  11. கண்டிப்பா வாங்க எஸ்தர் உங்களை அன்போடு வரவேற்கிறேன்!
    தங்களது வருகைக்கு மிக்க நன்றி!

    ReplyDelete
  12. தங்கள் பதிவொன்றை வலைச்சரத்தில் பகிர்ந்துள்ளேன் . நேரமிருப்பின் வலைச்சரம் வருமாறு அன்போடு அழைக்கிறேன் .

    ReplyDelete
  13. உங்கள் ஊர் மிகவும் அருமையாக இருக்கு. எனக்கு உங்கள் ஊரை நேரில் பார்க்கணும் போல் இருக்கு அக்கா.

    ரொம்ப கொடுத்து வச்சவங்கதான் நீங்க . ஆமாம் நான்கு அணைகள், வணப்பகுதி எல்லாம் இருக்கு.

    மிகவும் அழகாக இருக்கிறது.

    நம் நட்பு தொடரட்டும் .......

    ReplyDelete