Sunday, June 10, 2012

மீண்டும் ஓர் பதிவு!

மிகுந்த சந்தோஷத்தோடு மீண்டும் ஒருமுறை என்னோடு பகிர்ந்துகொண்ட விருதிற்காக ஒரு பதிவு! விருதினை பெற்றதற்கும் மேலும் என்னோடு சேர்ந்து பத்து பதிவர்களோடு அதனை பகிர்ந்து கொண்ட சீனு அண்ணாவுக்கும் கலை அக்காவுக்கும் எனது நன்றிகளும் வாழ்த்துக்களும்! மேலும் "கலக்கற போ" என்று சொல்லி ஊக்கப்படுத்தியவர்களுக்கும், "இதை திருத்து" என்று தலையில் குட்டி எது சரி? என்று தேடி கிறுக்கியதை திருத்தி செதுக்கி கொடுக்க வைத்தவர்களுக்கும் எனது நன்றிகள்! நானும் இந்த விருதினை  பத்து பதிவர்களோடு பகிர்ந்து கொள்கிறேன். 


விருதினை ஏற்பவர்கள் அவர்களை பற்றி பகிர்ந்துகொள்ள வேண்டுமாம். இங்கு என்னை பற்றி சொல்ல. தனிமையை தேடுவதும், எனது கிறுக்கல்களோடு கிறங்கிக்கிடப்பதும் எனது வெட்டி நேரத்து வேலைகள்! எட்டாவதோ ஒன்பதாவதோ படிக்கையில் எழுத ஆரம்பித்ததாய் ஞாபகம். பின் தீண்டப்படாத தீக்குச்சிகளாய் என் இதயப்பெட்டிக்குள் சில காலங்கள் முடங்கிப்போய்விட்ட என் எழுத்துகள் மீண்டும் உயிர்த்தெழுந்தது கல்லூரிப்படிப்பின் போது, ஏதோ பொழுது போக்காய் ஆரம்பித்தது இந்த வலைப்பூ இன்று என் அதிக நேர பொழுதுகளையும் ஆட்கொண்டுவிடுகிறது. மாற்றம் ஒன்றே மாறாதது என்று சொல்வதைப்போல் மாறிக்கொண்டே இருக்கும் மனித வாழ்வின் தருங்கள் எனக்கும் பல சமயம் ஒத்து வருவதில்லை தொடர்ந்து இடுகைகள் இடுவதற்கு. முடிந்த வரை வாரம் ஒரு பதிவேனும் போட வேண்டும் என்று முடிவு எடுக்கப்போய் இன்று மாதம் ஒரு பதிவாகி நிற்கிறது. இப்படி மாற்றம் தருகிறது இந்த காலம் எண்ணத்திற்கும் நிகழ்வுகளுக்கும். 

மனித வாழ்வின் வெவ்வேறு வாழ்க்கை தருங்கள் குழந்தையாய் சில காலம், பள்ளிப்பருவம், கல்லூரிப்பருவம், பின் வேலை, பணம், திருமணம், குழந்தைகள் என்று வாழ்வோடு ஒன்றிப்போன பல விஷயங்கள் ஒவ்வொரு கட்டத்திலும் புதிதாய் தான் தெரிகிறது. எனினும் ஒவ்வொரு கட்டத்திலும் அவரவர் சூழலுக்கு ஏற்ற சில பிரச்சனைகள் இருக்கத்தான் செய்கிறது. இது தான் என் எல்லை போல என்று துவண்டு வாழ்வின் நுனியில் தவிக்கையில் நெஞ்சோரம் துளிர்க்கும் ஒற்றை துளி நம்பிக்கையை கண்டு பிரமித்து நிற்கிறேன் பல சமயம். 


கணினித்துறையே வேண்டாம் என்று அடம்பிடித்து பதினொன்றாவதில் வணிகக்கணிதம் எடுத்துப் படித்தேன். அதே பிடிவாதத்தோடு என் விருப்பப்படி B.Com முடித்து CA முடிக்க எண்ணியது மாறி கல்லூரியில் கணிப்பொறியியல் துறை தேர்ந்தெடுக்க நேரிட்டது.நான் விரும்பாத Computer,mouse,Kayboard,CD,Drive எல்லாம் வித்தியாசமாக! மொழி என்றால் அது தமிழ், ஆங்கிலம், ஹிந்தி, போன்றவை என்று தான் கல்லூரியில் கால் எடுத்து வைக்கும் வரை அறிந்திருந்தேன். மொழிக்கும் வேறொறு அர்த்தமா என்றிருந்தது முதலில். நான் பேசும் மொழியையே தவறுகள் இன்றி பேசவும் எழுதவும் முடிவதில்லையே கணினியை இயக்கும் மொழிகளை கற்கவேண்டுமே என்று வெறுப்பாக இருந்தது பழகப்பழக பிடித்துப்போனது ஆச்சர்யமாகத்தான் இருந்தது! பின் அதே துறையில் முதுகலை படிப்பு "எனக்குப் பிடிக்காது எனக்கு வராது" என்று நான் பயந்த கணினிப்படிப்பு இன்று என் வாழ்க்கையாய் போக சூழ்நிலைக்கு ஏற்ப மாறிப்போன மணதைக்கண்டால் விசித்திரமாக இருக்கிறது. அதே துறையில் வளாகத் தேர்வு மூலம் வேலையும் வாங்கியாயிற்று. வேறென்ன அடுத்த கட்டளையும் வந்தாகிவிட்டது. ஒரு வருடம் கழித்து சேரப்போகும் வேலையை தக்க வைத்துக்கொள்ள தயாராகிகொள் என்கிறது இன்றைய தகவல் தொழில் நுட்பத்துறை.

26 comments:

  1. அழகாய் எழுதுகிறீர்கள் கண்டிப்பாக தொடர்ந்து எழுதுங்கள். கணினித் துறையை விருப்பத்தோடு எடுத்துப் படித்தேன், கணினியுடன் பேசும் மொழிகளில் தான் எனக்கு ஆர்வம் அதிகம். என்ன ஒன்று எர்ரர் என்று என்னை அசிங்கப் படுத்தும் போது தான் அதன் மீது கோவம் வரும்.

    நான் வேலை பார்க்கும் அதே நிறுவனத்திற்கு தான் நீங்களும் வருவீர்கள் என்று நினைக்கிறன். வாருங்கள் சேர்ந்து எழுதுவோம், இல்லை இல்லை வேலை பாப்போம்

    ReplyDelete
    Replies
    1. தங்களது வருகைக்கும் கருத்துரைக்கும் ரொம்ப நன்றி அண்ணா! எண்ணங்களுக்கும் நிகழ்வுகளுக்கும் மாற்றம் ஏற்ப்படுத்திக்கொண்டே இருக்கும் காலம் எனது நாளையை எங்கு நிர்ணயித்திருக்கிறது என்று பார்க்கலாம் அண்ணா!

      Delete
  2. அதுதான் வாழ்க்கை யுவராணி. பல சமயங்களில் நாம் விரும்புவதை விடவும் நமக்குக் கிடைப்பதை மகிழ்ச்சியுடன் ஏற்றுக் கொள்ள வேண்டியிருக்கிறது. இந்த கணினித் துறையிலேயே நீங்கள ஏற்றம் பல பெற வாழ்த்துகிறேன். விருது கிடைச்சதுக்கும அதை பொருத்தமானவங்களுக்கு பகிர்ந்துக்கிட்டதையும் பாக்க ரொம்ப சந்தோஷமாயிருக்கு...

    ReplyDelete
    Replies
    1. தங்களது வருகைக்கும் கருத்துரைக்கும் வாழ்த்துக்களுக்கும் எனது மனமார்ந்த நன்றிகள்! தாங்கள் சொல்வது மிக சரியே! கிடைப்பதை மனமாற ஏற்று ஏற்றம் பெற நமது அதிகப்படியான எதிர்ப்பார்ப்புகளை குறைத்துக்கொள்வதே ஒரே வழி!

      Delete
  3. வணக்கம் சொந்தமே.பதிவுலகில் முதன்முறை தங்களை சந்திப்பது மிகவே மகிழ்ச்சியும் திருப்தியும்.தங்கள் அன்பிற்தும் வாழ்த்திற்கும் விருதிற்கும் மின மினவே நன்றி.இது தான் முதல் விருது.உண்மையில் விருது பற்றி எதுவுமே தெரியாது.சந்திப்போம் சொந்தமே.நன்றிகளுடன் அதிசயா

    ReplyDelete
    Replies
    1. என் விருதினை ஏற்றதற்கும் தங்களது கருத்துரைக்கும் எனது நன்றிகள்!

      Delete
    2. இவ்விருதினைப்பெற்றுக்கொண்டுள்ள அனைத்து சொந்தங்களுக்கும் அதிசயாவின் வாழ்த்துக்கள;.......!

      Delete
  4. வாழ்த்துக்கள் சகோதரி...........

    ReplyDelete
    Replies
    1. தங்களது தொடர்ச்சியான வருகைக்கும் ஊக்குவிக்கும் கருத்துரைக்கும் எனது நன்றிகள் தோழி!

      Delete
  5. அன்புள்ள சகோதரி யுவராணி தமிழரசன் அவர்களுக்கு வணக்கம்! ஏற்கனவே இதே விருதினை சகோதரி ”தென்றல்” சசிகலா எனக்கு வழங்கியுள்ளார். இரண்டாம் முறையாக நீங்கள் எனக்கு அன்புடன் தந்த இந்த விருதினையும் ஏற்றுக் கொள்கிறேன். நன்றி!
    விருது பெற்ற மற்றவர்களுக்கும் எனது வாழ்த்துக்கள்!

    ReplyDelete
    Replies
    1. தங்களது வருகைக்கும் எனது விருதினை ஏற்றதற்கும் மிக்க நன்றி Sir!

      Delete
  6. அன்புள்ள யுவராணி!
    உங்களது விருதினை மகிழ்வுடன் ஏற்றுக்கொண்டேன். உங்களுக்கு என் மனமார்ந்த நன்றி.
    இது என் எழுத்துக்குக் கிடைக்கும் இரண்டாவது விருது. ஏற்கெனவே கீதமஞ்சரி ஒரு விருது வழங்கினார்.

    உங்கள் எழுத்துக்களை இன்று தான் வாசித்தேன். அருமையாக எழுதுகிறீர்கள்.
    பிடிக்காத துறையில் சேர்ந்து அதிலும் நன்முறையில் தேர்ச்சிப் பெற்று அதுவே உங்களது வாழ்க்கைச் சூழலாக ஆனது விசித்திரம் தான். வாழ்க்கைப்பயணத்தில் நாம் எதிர்கொள்ளும் எத்தனையோ விசித்திரங்களில் இதுவும் ஒன்று.
    நம்மைப் பற்றிய சுய பரிசோதனை எதுவும் செய்யாமல் எனக்கு வராது,என்னால் முடியாது என்று நாம் ஒரு முடிவுக்கு வருவது எவ்வளவு பெரிய தவறு என்ற பாடத்தை உங்கள் வாழ்க்கை மூலம் அறிந்து கொள்ள முடிகிறது.

    நேரங்கிடைக்கும் போது உங்களது பிற பதிவுகளையும் வாசித்துக் கருத்து சொல்வேன். மீண்டும் நன்றி யுவராணி!

    ReplyDelete
    Replies
    1. தங்களது வருகைக்கும் கருத்துரைக்கும் எனது நன்றிகள்! என் வாழ்க்கை நிகழ்வுகளை பகிர்ந்துகொள்ள ஒரு வாய்ப்பு கொடுத்ததுக்கு சீனு அண்ணாவுக்கும் கலை அக்காவுக்கும் தான் நன்றி சொல்லனும்! எனது வலைப்பூவிற்கு தங்களை அன்போடு வரவேற்கிறேன்!

      Delete
  7. அன்பின் விருதுக்கு மனமார்ந்த நன்றி யுவராணி. உங்கள் எழுத்தின் திறமை மெச்சத்தக்கது. ஏற்றுக்கொள்ளும் எதிலும் திறன் காட்டி மிளிர்வது எல்லோருக்கும் சாத்தியமில்லை. உங்களது எதிர்கால நல்வாழ்வுக்கு என்னுடைய வாழ்த்துக்கள். விரைவில் மற்றப் பதிவுகளையும் பார்வையிடுவேன்.

    ReplyDelete
    Replies
    1. தங்களது வருகைக்கும் வாழ்த்துக்கும் மேலும் நான் பகிர்ந்துகொண்ட விருதினை ஏற்றுக்கொண்டமைக்கும் எனது நன்றிகள்! தங்களை அன்போடு வரவேற்கிறேன் எனது வலைப்பூவிற்கு!

      Delete
  8. விருது பெற்ற தங்களுக்கும், தங்களிடமிருந்து விருதுபெறும் அனைவருக்கும் என் அன்பான வாழ்த்துகள்.

    ReplyDelete
    Replies
    1. தங்களது வருகைக்கும் கருத்துரைக்கும் எனது நன்றி Sir!

      Delete
  9. மாற்றம் ஒன்றே மாறாதது என்று சொல்வதைப்போல் மாறிக்கொண்டே இருக்கும் மனித வாழ்வின் தருணங்கள்..பாராட்டுக்கள்..

    ReplyDelete
    Replies
    1. தங்களது வருகைக்கும் கருத்துரைக்கும் எனது நன்றிகள்!

      Delete
  10. தாங்கள் விருது பெற்றமைக்கு
    மனமார்ந்த நல் வாழ்த்துக்கள்
    தொடர்ந்து இப்போதுபோலவே சிறப்பான பதிவுகள்
    தரவேணுமாய் அனபுடன் கேட்டுக் கொள்கிறேன்

    ReplyDelete
    Replies
    1. தங்களது வருகைக்கும் வாழ்த்துக்கும் எனது மனமார்ந்த நன்றிகள் Sir! நிச்சயமாக நல்ல பதிவுகளையே தர என்றும் முயல்வேன் Sir!

      Delete
  11. உங்கள் விருதினை ஏற்றுக்கொள்வதில் மட்டற்ற மகிழ்ச்சி தோழி ! உங்கள்
    எழுத்துக்களில் ஒரு மின்சாரம் இருக்கிறது. வார்த்தைகளில் இயல்பாகவே
    வசியம் இருக்கிறது. உங்களுக்கு சுக்கிரன் வலிமையாக இருப்பான் போலும்.
    அதனால் தான் கணினி உங்களை விடாமல் துரத்துகிறது. நான் படித்தது
    வேதியியல் ! படிக்கும் காலத்தில் அந்தப் படிப்பு எனக்கும் பிடிக்கவில்லை
    தான். ஆனாலும் முதுகலைப் பட்டம் வரை படித்தேன். இப்போது கூட அது
    சம்பந்தப் பட்ட துறையில் தான் ஏனோ தானோ வென்று வேலை செய்கிறேன்.
    விரும்புவது கிடைக்கவில்லை என்றால், கிடைத்ததை விரும்பித்தானே ஆக
    வேண்டும்.

    ReplyDelete
    Replies
    1. தங்களது வருகைக்கும் வாழ்த்துக்கும் மேலும் நான் பகிர்ந்துகொண்ட விருதினை ஏற்றுக்கொண்டமைக்கும் எனது நன்றிகள்!

      Delete
    2. கிடைத்ததை நேசித்து அந்த சந்தோஷத்தையும் ஒருமுறை அனுபவித்துப்பாருங்கள்! பிறகு அனைத்தும் புதியதாக தோன்றும்!

      Delete
  12. விருதுபெற்ற தங்களின் எழுத்தாளுமைக்கும்..விருதினை எனக்கும் வழங்கிக் கௌரவிக்கும் தங்கள் வாசக மனசுக்கும் எனது அகமகிழும் ஆயிரம் நன்றிகள்.

    ReplyDelete
  13. தங்களது வருகைக்கும் வாழ்த்துக்கும் மேலும் நான் பகிர்ந்துகொண்ட விருதினை ஏற்றுக்கொண்டமைக்கும் எனது நன்றிகள் தோழி !

    ReplyDelete