Friday, October 6, 2017

மௌனம்!



அலைகளின் ஓசையில் சேகரித்து
உன்னை காற்றின் இசையில் கலந்துவிடுகிறேன்!
வாழ்க்கையை படிக்கிறேன்
உன் ஆர்பறிப்பில்!

உருகும் மெழுகுவர்த்தியின்
ஈரம் காயும் முன் உன்னை
கொள்ளை கொண்டு
இலகச்செய்கிறேன்
காற்றுக்கிசைந்தாடும்
திரி நெருப்பில்!

மழலையின் விழியில் விழுந்து
அம்மாவின் நெற்றி முத்தத்தில்
மீள்கிறேன் உன்னோடு!

பயத்தின் ஆழத்திலும்
சந்தோஷத்தின் உச்சியிலும்
முகர்ந்து சுகித்து
இரவின் இருளில்
சில்வண்டுகளின் சினுங்களிலும்
எறும்புகளின் ஆடல் பாடல்
கலாட்டாக்களிலும்
சிலிர்த்து சிலாகிக்கிறேன்!

தோள் சாய்கிறேன்
காத்திருப்பின் கூச்சலிலும்
தாகத்தின் வறட்சியிலும்!
உணர்ச்சிவசப்படுகையில்
அசட்டை செய்து
தாழ்மையினால் ஆட்கொள்கிறாய்
ஊன்றி நிற்கையில்!

விடியலில் வெகுண்டெலும்
உன்னுள் விதைவிதைத்து
இரவு தலை சாய்க்கையில்
என் நாட்களை
அருவடையும் செய்கிறேன்!
மௌனமே என்னை ஆட்கொள்!

No comments:

Post a Comment